سفرالدغيلبي وخالد ال بريك ⚡القريب البعيد ⚡ ألحان نجد٢-٧

يالقطوع المواصل يالقريب البعيد
منهو اللي مصرح لك تسلط علي

أنشدك وانتظر منك الجواب الأكيد
قبل تحطيمي ،،، وتدمير مستقبلي

هل معك قوة السلطان عبدالحميد
او معك صولجان الحاكم الفيصلي

كيف خليتني عقب الجماعه وحيد
كيف نزحتني عن ربعي وعن هلي

أول الوقت متحرص وحذري شديد
خابرن ،، حيلة المحتال ماتنطلي

مرهيً بالفوايد واحسب اني عنيد
من كبر طمعتي باسلبك وتصير الي

لين حطيت لي فخً حباله حديد
ثم لبستها بالملبس المخملي

جيت كلي يابالفيت اني اقنص واصيد
مندفع من كبر طيشي وكثر اجهلي

ثم حولت في قبضتك محوال حيد
إنصرم من خشوم الشامخ المعتلي

واثر في شرعك الاحرار مثل العبيد
وِليتك جور دكتاتور وامحق ولي

من حوانيت بابل جبت سحرن جديد
مادرى عنه بغدادي ولا موصلي

شعوذاتً من اعصابي لحبل الوريد
مايعالجهن الجراح والصيدلي

امشي بلا فكر وآهيم وأصرف قصيد
فاقد الوعي عقب الحادث المفصلي

ماارجع لعقلي الا بعد جهدن جهيد
من يعين دواي ومن يفك اعملي

واصبح عنادي المزعوم قطعة جليد
وصط تنور نارً تطّبخ وتغلي

في يدي قيد من فعلك وفالرجل قيد
يختلف قيدي الثاني عن الاولي

لاقدرت اتلذذ بالهوى واستفيد
ولاقدرت اتخلص واضرب الجندلي

سفر الدغيلبي

لا ولد ولا تلد ولا ام ولا ابو الله يعين

في يدي قيد من فعلك و فالرجل قيد يختلف قيدي الثاني عن الأولي ..اننششششهد انك شااااااااعر

امشي و اصرف قصيد الله عليك يا سفر

اللهم صل وسلم على نبينا محمد

سيف

الله ي سفر علئ هييچ فن إلا گحيت بالمايك صفگنه ❤

ونعم ياسفر واصل يامبدع

خلف هذا الشعر الجميل الم فضيع

فعلن الصدمه محد راح يعرف قوتها الا اللي عاش التجربه

وش معنى يابالفيت؟

كل شطر افضل من الثاني عز الله انك اصبت ياسفر

يالقطوع المواصل يالقريب البعيد
منهو الي مصرح لك تسلط …علي

جايه من طرف جبر المدارية و رشيد طاحوس ✌

مرادف كلمة الشعر هي سفر الدغيلبي ، عز الله انه مايقول الا قصايد جزلة ؛ والشيلة ذي من اجمل الشيلات اللي سمعتها كلمات وتأثير والحان اشهد انها تجي ب حنايا القلب والجسد .