ألبوم مرحليات العمل 3 [مجنون العرب] ™ سفر الدغيلبي و خالد ال بريك

ياضيفنا فالك معزه وتكريم
بعد النبا الطيب ورفع المكانه

إقلط على واجبك قبل المعازيم
ونعدك اخوً في ضيافة اخوانه

وأنا على المجلس باصدّر مراسيم
تنقال من باب الغلا والميانه

توديع واستيذان من دون تقديم
مانيب أشوف لكثر الأعذار خانه

أظن ترك الضيف مافيه تحريم
حكم الضروره واردن فالديانه

لكن كسرت الانظمه والتعاليم
ومدور الزلات خله وشانه

عني يسدون العيال الشغاميم
ربعي هم الصندوق،،،والضيف أمانه

والحاشر التكاك،،،والهم ،، والضيم
الكل منها واصل،،،، ( ازعيتمانه)

عند الجماعه والقبيله والإقليم
يعرف سفر من سجته واسرحانه

خلوني اسبح فالخيالات وآهيم
بعيد عن حكم العقل والرزانه

وآخذ من طيور الصحاري ترانيم
بين (القطاه)ونغمة (الدرجلانه)

بدا مؤشر حالتي يكسر التيم
لو سولت لي نفسي إني تكانه

لاصحةً تذكر ،،، ولازادن طعيم
خاشرت (مجنون العرب) في جنانه

راحن مغاتير الليالي مجاهيم
سودن فلانه نسختن من فلانه

أدور في حلقة مثل حلقة الميم
ماسرني لاقوة ،،، ولا ذهانه

تعبت في تفسير بعض المفاهيم
يارب عوّض فالمعاناه إعانه

هل يعتبر بحر الشعر مشرب الهيم؟
وشهي ضريبة فوحه وعنفوانه؟؟!

والشهرة اللي نصف اهلها مظاليم
ماياخذون من السكينه ذنانه

ياللي هواياتك مقاطع تصاميم
لاتحسب المشهور عنتر زمانه!

تراه في ذاته بحاجه لترميم
مهما يخفّي حاجته للصيانه

وانا قصيدي ( للثكالى ) المكاظيم
لو ان بعضاً منه سابق لـ أوانه

أضرب فجوج الاض رحال ومقيم
خلتني الدنيا ( ورقة إستبانه )

ثلاثة ايمان وعلي الملازيم
من طاوله سقمه تحطم كيانه

أستخدم لراسي عقاقير تنويم
العقل خنته بالمنوّم خيانه

واليوم ياتباع ملة ابراهيم
ماباقيً فالشاعر الا لسانه

يارب وردني على عين تسنيم
والكوثر اللي صافيً ريهجانه

سفر الدغيلبي

مشكلتكم انها حزينة

ياخي سفر ياخي .. لا قبله ولا بعده

مدور الزلات خله وشانه

انشهد انه مجنون العرب والي يسمع شيلات يدور الخط استمررر

هذا شاعر الكون

الثنائي الجميــل تبارك الله

والا يا سفر من طواله سقمه تحطم كيانه

الله يرفع عنه …

اتمنى ان هالقصائد تُدرس بالأدب وتخصصات اللغة العربية بالجامعة لأن هذا جمع ابداااع شعراء الجاهلية وشعراء بعد الجاهلية جعل عمرك طويل يابو سعد والله مهما نقول يتعبنا الكلام ❤❤

ماشاءالله عليك ياسفر. اتعبت من بعدك